Bënunides y bënunic! Jon su per l troi storich y nfurmatif che nes mëina sun Jevun – l Crëp Sant.
Jevun fova belau mez milené sënta dl vëscul, daldò sënta dl capitan dl ciastel y dal 1685 inant nchina ncuei cunvënt.

Nëus son tlo pra la ntreda dla scialea per jì sun Jevun. N valgun scialieres nes mëina dala zità bassa fin pra l ciastel Branzoll. Sun uniun di ntëur a 150 scialieres, che ie n pert scarpelei ora dl crëp, se slergia la ududa sun l zënter dla zità storica bel dessot. Bele do n valgun var vëijen la zità vedla sciche sce n fossa n ucel: l se trata de na cuntreda nturtidleda de tëc a spic, friuns y pigulieres de scipa.

L crist pra l prim scialier y la peldes su per scela, descëida te nëus nce bele n sentimënt religëus n cont dl Crëp Sant.